👈👈 إزاي تستخدم أدوات الـ Hackers في اختراق المُنافسين؟
فيه ناس كتيرة طلبت مني عبر حسابنا على تويتر إننا نستكمل كلامنا عن مرحلة الـ Information Gathering أو الاستطلاع وجمع المعلومات اللي بتتم في أي عملية Hacking بتحصل، وقولنا قبل كده إن المرحلة دي من أهم المراحل اللي بتخلي الهاكر ينجح إنه يـ Hack الضحية بسهولة لإنه ببساطة عرف عنه معلومات كتيرة جدًا ساعدته في ده، وقولنا إن هدفنا من سلسلة البوستات دي إننا نتعرف على بعض الأدوات دي واللي هتساعدك في عمل دراسة كاملة للمنافسين Competitor Analysis.
إنهارده بقى هتكلم عن 4 أدوات جديدة هيساعدوك بشكل كبير في عمل Analysis لمواقع المنافسين، الـ Tools دي عبارة عن Softwares بتسطبهم على الـ PC بتاعك وبتتعامل معاهم بسهولة جدًا، ومش عايز أفكرك ياريت تستخدم الأدوات دي في شيء نافع وبلاش تُسيء استخدام أي حاجه.
Web Data Extractor
الأداة دي من أقوى الأدوات اللي ممكن تقابلها، لأنها هتساعدك بشكل كبير في معرفة حجات كتيرة جدًا عن مواقع المنافسين، هتسطب البرنامج عندك وتبدأ في استخراج الداتا، من خلال Web Data Extractor هتقدر تبحث عن اي أرقام هواتف موجودة بالسايت، كل الإيميلات الموجودة
أي رابط إنت عايزه، إنت هنا هتعمل عملية بحث – بضغطة واحدة – داخل السايت، عن أرقام التليفونات، الفاكسات، الإيميلات، الميتا داتا Meta Data، كل شيء تحدده من خلال البرنامج وهوا هيبحثلك عنه بسهولة جدًا، البرنامج قوي لدرجة إنك لازم تجربه بنفسك
GSA Email Spider
بالنسبة لـ GSA Email Spider يعتبر نفس فكرة الـ Web Data Extractor ولكن هنا خاص بالإيميلات بس، هوا بيقدر يعمل Spidering أو Crawling لجميع صفحات الموقع ويستخلص أهم البيانات اللي جواه وهنا إحنا بنستهدف بشكل كبير "الإيميلات"
هتعرف قيمة البرنامج ده أكتر لو موقع المنافس بتاعك كبير وفيه صفحات كتيرة وبيستخدام بيانات وداتا كتير، هتسطب البرنامج وتحط لينك الموقع وتسيبه يقوم بالواجب
HTTrack
من أروع الأدوات اللي هتقابلها في حياتك هوا برنامج HTTrack، ده بينسخ أي موقع اليكتروني وبيخزنه داخل الـ PC بتاعك
كل الملفات، كل الصور، كل شيء ولكن مش في شكله الموقع النهائي، يعني لو الموقع مثلا PHP فهو مش هيخزن ملفات الـ PHP ولكن بتقدر تشوف شكل مبسط للسايت، مع الاحتفاظ بالداتا الأساسية زي الصور أو الـ Files الموجودة وكده، فتقدر تشوف موقع المنافس بتاعك عن قرب بقى وبمزاج وواحدة واحدة
Email Extractor
وأخيرًا دي عبارة عن إضافة أو Extension على Google Chrome هتساعدك بشكل كبير في عمل Extract لأي إيميل موجود على صفحة الويب اللي إنت واقف عليها، يعني لو مثلا لقيت قايمة من الإيميلات على صفحة ويب معينة، وحابب إن إنت تـ Extract الداتا دي
بدل م تقعد تعمل كوبي وبيست هتقدر بسهولة جدًا إنك تستخدم إضافة Email Extractor وبضغطة واحدة هتقدر تـ Copy all وتـ Paste في أي مكان من غير م تبذل أي مجهود.
أتمنى أكون قدرت أفيدكم بالمعلومات دي ولو عندك أي تساؤل أو حابب إني أتكلم بعد كده عن حاجه معينة ياريت تكتب ده.
الكلمات المفتاحية :
ليست هناك تعليقات
إرسال تعليق